Ipagpannakkel ti Philippine Science High School (PSHS) System ti 71 nga estudiante daytoy a nakaawat iti diaya nga agadal manipud kadagiti kangrunaan nga unibersidad iti abrod.
Inwaragawag ti PSHS idi Mierkoles, Hunio 2, a nanayonan pay iti 11 nga iskolar a Pisay dagiti dati a nakaawaten iti diaya nga agadal manipud kadagiti agduduma nga unibersidad iti Asia, Amerika, Europa, ken Australia ket aganayen a 71.
Lima kadagitoy ti kameng ti Class 2021 ti Philippine Science High School – Cordillera Administrative Region Campus (PSHS-CARC) iti Irisan, Baguio City.
Kinablaawan ti PSHS ni Elms Watts M. Dacquel ti PSHS-CARC iti pannakaawatna iti diaya manipud iti Saint Louis University-Madrid Campus nga agadal iti Biomedical Engineering babaen ti Inigo Scholarship; iti Albany College of Pharmacy and Health Sciences para iti Pharmaceutical Sciences nga addaan iti ACPHS Merit Scholarship; ken iti Duke Kunshan University of China para iti Natural Sciences.
TURISMO: Intayon Idiay Ayuyang Garden iti Pila, Siudad ti Laoag!
Nakaawat met ni Krissandra Mae B. Serafica, estudiante met laeng ti PSHS-CARC, iti diaya nga agadal iti Public Health, nga addaan iti scholarship grant, iti Albany College of Pharmacy and Health Sciences iti New York iti Amerika.
Ipagpannakkel pay ti PSHS ni Jemeilyn Lacap ta naidiayaan met a mangala iti BS Psychology iti Monash University iti Australia ken iti Saint Leo University iti Amerika.
Nakaawat met ni Alessandra Noelle A. Mendoza iti diaya manipud iti Florida Institute of Technology iti Estados Unidos para iti Biomedical Sciences, New York University-Shanghai iti China para iti Neutral Science, ken iti Duke Kunshan University iti China para iti Global Health.
Kinablaawan pay ti PSHS ni Anshari Kirsten G. Dalan, manipud met laeng iti PSHS-CARC, iti pannakaawatna kadagiti diaya nga agadal nga addaan iti scholarship grant iti University of East London iti United Kingdom para iti Chemistry, ken iti Alfred University iti US para iti Chemistry.
Manipud met iti PSHS-Eastern Visayas Campus (PSHS-EVC) iti Palo, Leyte dagiti innem a sabali pay nga estudiante a nakaawat iti diaya nga agadal iti abrod.
Ni Jymarie S. Limpiado, a kameng ti Class 2021 iti PSHS-EVC, nakaawat iti diaya nga agadal iti Mechanical and Electrical System Engineering iti Kyoto University of Advanced Science iti Japan.
Dinakamat pay ti PSHS ni Jannah Veron L. Nuevas a naidiayaan met nga agadal iti Bachelor of Science Program iti University of British Columbia – Vancouver Campus iti Canada.
Kinablaawan pay ti PSHS ni Georginne Reese U. Perez, iti pannakaawatna iti diaya nga agadal nga addaan kadagiti scholarship grant manipud kadagiti sumaganad nga unibersidad iti Canada: University of Calgary para iti Bachelor of Science in Biological Sciences nga addaan iti President’s Admission Scholarship; Dalhousie University para iti Bachelor of Science nga addaan iti Dalhousie Entrance Renewable Scholarship, Dalhousie Community and Leadership Award ken Dalhousie Renewable Bursary; ken, Memorial University of Newfoundland para iti Bachelor of Science – Planning agingga iti Major in Biology IUGS Entrance Scholarship for Undergraduate Students.
Nakaawat met ni Micah Japhette B. Avila iti diaya nga agadal nga addaan iti scholarship grant babaen ti Outstanding International Student Award (OIS) iti University of British Columbia-Faculty of Applied Science iti Canada.
Kinablaawan pay ti PSHS ni Darren Pearl L. Reynera iti pannakaawatna iti diaya nga agadal nga addaan iti scholarship grant iti Memorial University of Newfoundland iti Canada.
Linugayan pay daytoy ni Kristen Clarisse I. Loreto iti pannakaawatna iti diaya nga agadal iti New York University para iti Urban Design and Architecture Studies and Chemistry/Chemical and Biomolecular Engineering (maawat iti College of Liberal Studies, ti umuna a tawen ti panagadalna, iti NYU Madrid); iti University of British Columbia-Vancouver iti Canada para iti BS Pharmacy and BS Applied Biology; iti St. John’s University iti US para iti Criminal Justice: Forensic Psychology option; ken iti George Mason University iti US para iti BS Chemistry.
Naadaw daytoy a damdamag iti Manila Bulletin. Dagiti kanaigna nga istoria manipud iti nasao a diario:
