NALABAGA A TILAPIA. Agarup 354 a kilo a nalabaga a tilapia (aw-awaganda pay iti Golden Tilapia) manipud iti maysa nga experimental aquaculture project iti Barangay Bugnay, San Nicolas, Ilocos Norte ti naibunong iti sumagmamano a na-lockdown a residente kadagiti ili a San Nicolas ken Dingras (iti Ilocos Norte). Iti Ilocos Norte, manmano pay laeng dagiti mangngalap a makaammo iti kaadda ti kastoy a breed ti tilapia a naggapu iti tallo a crossbreed a kas iti Oreochromis mossambicus, Oreochromis niloticus, ken Oreochromis aureus. Babaen ti tulong ti Bureau of Fisheries and Aquatic Resources ken ti Department of Agriculture-Bureau of Agricultural Research, madama a maisaysayangkat ti maysa a panagsukisok maipanggep iti pannakapatanor daytoy a klase ti tilapia iti danum-tamnay kasta met iti danum-apgad. Dagiti nakalap iti maikadua a trial ti naibunong a kas nayon nga ayuda kadagiti agkasapulan. (LEILANIE G. ADRIANO)

(Naipablaak iti Hunio 1-15, 2021 a bilang.

Kadagiti kayatna ti ag-subscribe iti e-Edition, mapan iti ania man kadagitoy a link: Press Reader wenno iti Magzter.

Para iti naimaldit a kopia, ag-email iti [email protected] wenno kauman ni Boy Balanag iti CP Number 0916 269 2390

Laglagipenyo koma met, kakailian, nga i-like daytoy FB Page ti Bannawag Magazine. Dios ti agngina.)