Nalaka laeng. Suroten dagiti sumaganad nga addang:

1. I-download ti Magzter iti Google Play wenno iti Apple App Store, sa y-install.

2. Mangaramid iti account babaen ti email address iti Gmail wenno babaen ti account iti Facebook wenno Twitter. 

3. No addan account iti app, iti espasio ti “search” iti baba ti nagan, itipa ti “Bannawag” sa iklik. Rummuar dagiti akkub dagiti bilang (isyu) ti Bannawag. Pilien ti kayat a gatangen—mabalin ti gumatang iti maysa laeng a bilang; mabalin met ti ad-adu ngem maysa a bilang.

4. Iti baba ti tunggal akkub, makita ti kahon nga addaan iti presio (P50.00). Iklik daytoy. Agparang ti baro a window tapno kompirmaren iti Google Play no kasano ti panangbayad (mode of payment).

5. Pilien ti kayatmo a wagas ti panagbayad— babaen ti GCash wenno PayMaya; wenno babaen ti Debit/Credit Card, PayPal kdp. Iklik ti “1-tap buy” a boton iti baba.

6. No nagparangen ti check symbol nga addaan iti green background ken “Payment Successful,” mabalinen a basaen ti isyu ti Bannawag a ginatangyo iti Magzter app!