NI RONY HOPEMAN S. DE LEON
Agpakanawan: Mrs. Tasita S. Cruz, prinsipal ti Asinan Elementary School; Dr. Jim P. Domingo, dati nga NCCA-NCLA coordinator for Northern Luzon; Mr. Florante L. Mendoza, Teacher 3 ti Eden Integrated School; Mrs. Marietta M. Fontanilla, Ed.D., Officer-In-Charge ti Eden Integrated School ken Public School District Supervisor ti San Manuel, Isabela; Engr. Jose B. Tobias, CESE, Officer-In-Charge District Engineer iti Isabela 2nd District Engineering Office (ISDEO) ti DPWH-Roxas, Isabela; Mrs. Clotilde S. Medrano, Administrative Officer V, Chief, Administrative Section ti ISDEO ti DPWH-Roxas, Isabela; ken Mr. Eliser L. Lacerna, Administrative Officer III, Supply Officer II ti ISDEO ti DPWH-Roxas, Isabela.

SAN MANUEL, ISABELA. Nangidonar ti Isabela Second Engineering District ti Department of Public Works and Highways (DPWH) kadagiti nagduduma a banag a kasapulan ti Eden Integrated School, maysa a pagadalan iti babaen ti Departamento ti Edukasion (DepEd), San Manuel, Isabela.
Buklen ti donasion dagiti rain water collectors, lamisaan iti opisina, tugtugaw, computer tables, sofa, ken nagawangan a dram a pagyanan ti danum.
Ni District Engineer Jose B. Tobias ken Assistant District Engineer Rogelio Curameng ti nangyawat kadagiti equipment iti DepEd babaen da Public Schools District Supervisor Marietta M. Fontanilla ken Senior High School Coordinator Florante L. Mendoza.
Naisagana dagiti papeles ken proseso ti donasion babaen da Clotilde Medrano ken Boyet Lacerna, District Engineering Administrative Officer ken Supply Officer, kas panagsasaganadda, a nakipartisipar met iti pannakayawat dagiti donasion.
Paset ti donasion ti pannakipaset ti Engineering District kadagiti sagudayen ti Akta Republika 8525 nga am-ammo pay a kas Adopt-a-School Act ti 1998.

Eksklusibo iti Website
TURISMO: Intayon Idiay Ayuyang Garden iti Pila, Siudad ti Laoag!

TURISMO: Intayon Idiay Ayuyang Garden iti Pila, Siudad ti Laoag!


Guyugoyen daytoy a linteg dagiti pribado ken organisasion ti turay a tumulong tapno maital-o ken maparang-ay dagiti publiko a pagadalan kangrunaanna dagiti naisaad kadagiti nakurapay a lugar.
Mairaman kadagiti proyekto nga isayangkat ti Engineering District iti Eden Integrated School ti pannakagabur ti agmaysa nga ektaria a solar ti pagadalan.
Naipatakder ti pagadalan iti nababa a disso a sigud a pagmulmulaan iti pagay.
Dagiti laeng disso iti asideg dagiti patakder ti nagaburan manipud napundar ti pagadalan idi Hunio 2010.
Saan a maar-aramat ti malaylayus a disso no panawen ti tudtudo ken uray iti panawen ti kalgaw.