Ni CHARISSA LUCI-ATIENZA
Aganayen a 68 a pasiente iti coronavirus disease (COVID-19) ti immanugot a makipartisipar iti randomized controlled clinical trial a pakaammuan iti kinasamay ken kinatalged ti tubbog ti maragatas (Euphorbia hirta) a kas nayon a pagagas iti coronavirus para kadagiti kaso a mild agingga iti moderate.
Adda dagitoy a pasiente iti babaen ti project team nga idauluan ni Dr. Philip Ian Padilla ti University of the Philippines (UP) Visayas, kas kinuna ni DOST Secretary Fortunato “Boy” T. de la Peña. Agpaut ti panagadal iti 11 a bulan ken manamnama a pakipartisiparan ti 280 a pasiente.
Innayon ni Dela Peña a nagpinnirman ti UP Visayas ken ti Corazon Locsin Memorial Hospital iti memorandum of agreement (MOA) para iti pannakaipatungpal ti proyekto.
Kinuna met ni DOST-PCHRD Executive Director Dr. Jaime C. Montoya a mabalin a mayalud-od ti clinical trial ti maragatas ta masapul nga agurayda pay iti ad-adu a volunteers a makipartisipar iti panagadal.
TURISMO: Intayon Idiay Ayuyang Garden iti Pila, Siudad ti Laoag!
Ad-adda nga am-ammo ti maragatas a suplemento a para iti pannakataripato ti pasiente nga agsagsabaga iti dengue.
(Damag manipud iti Manila Bulletin.)
