NAIMAS TI SUGODSUGOD. Adu pay laeng ti maala a sugodsugod (Momordica cochinchinensis) kadagiti kabakiran iti Ilokos. Naimas a madengdeng, magisar, wenno mapakbet. ‘Libas,’ kunada iti rangawna, naimas nga ilaok iti dinengdeng wenno maiparabaw iti ginisar a balatong. Maysa ti sugodsugod (parugparog) kadagiti 45 a sabsabali pay a patneng (indiheno) a mula a makan iti Ilokos a mapapaadu iti Indigenous Food Plant Nursery ti MMSU-Crops Research Laboratory. Maibasar iti catalogue nga inaramid dagiti agsuksukisok iti MMSU a da Ms. Menisa Antonio, Dr. Epifania Agustin, ken Dr. Araceli Badar, nangatngato ti imet a lycopene ti bunga ti sugudsugod iti 70 a daras no idasig iti kamatis, ken 10 a daras pay ti linaonna a beta-carotene no idasig iti carrot wenno kamotig. Adda pay ramen ti bunga ti sugodsugod a maysa a klase ti protina a manglapped iti panagadu dagiti cancer cells iti bagi. (Teksto ken ladawan ni KIMBERLY MIGUEL)

(Naipablaak iti Hulio 16-31, 2021 a bilang.)

Kadagiti kayatna ti ag-subscribe iti e-Edition, mapan iti ania man kadagitoy a link: Press Reader wenno iti Magzter.

Para iti naimaldit a kopia, ag-email iti [email protected] wenno kauman ni Boy Balanag iti CP Number 0916 269 2390

Laglagipenyo koma met, kakailian, nga i-like daytoy FB Page ti Bannawag Magazine. Dios ti agngina.)