Ni DENNIS PRINCIPE
Manamnama a mabenepisiaran dagiti rinibu a komiuter kasta met ti ekonomia ti Amianan manipud iti kaluklukat a Central Luzon Link Expressway (CLLEX).
Bayat ti pannakalukat ti paset ti CLLEX idi Huebes, Hulio 15, kinuna ni Sekretario Mark Vilar ti Department of Public Works and Highways (DPWH) a mapan a 11,200 a motorista ken komiuter ti mairanud manipud iti daytoy a proyekto a libre iti toll.
Kuna ni Villar a babaen daytoy a proyekto, manamnama a sumayud iti husto ti pannakaideliber dagiti produkto ti agrikultura ket ngarud, dakdakkel ti maganar dagiti mannalon ken ad-adda pay a mapadaras ti panagdur-as ti ekonomia dagiti siudad ti Tarlac ken Cabanatuan,
Naluktanen ti paset ti uppat-ti-liniana nga expressway a mamagsilpo iti Tarlac ken Nueva Ecija, partikular iti umuna nga 18 a kilometro a paset daytoy.
Manipud Kadagiti Agdama a Kameng ti Bannawag: Dios ti Agngina!
Saan a masingir dagiti motorista a lumasat iti nasao nga expressway ta naponduan daytoy babaen ti General Appropriations Act (GAA); maisupadi kadagiti proyekto a private-public partnership (PPP) a naponduan babaen ti panagtinnulong ti gobierno ken ti pribado a sektor.
Segun ken ni Undersecretary Emil Sadain, mairaman iti immuna a naluktan ti 4.10-km Tarlac Section, 6.40-km Rio Chico River Bridge Section, 1.5-km Rio Chico Viaduct, ken Aliaga Section.
Nakompleto mettten ti agarup 88.7 a porsiento ti 10.3-km a Cabanatuan Section, idinto a nalpas metten ti 26.9 a porsiento ti Zaragoza Interchange Section.
Apaman a maluktan a maminpinsan, manamnama a yababa ti expressway ti kadawyan a 70 a minuto a biahe manipud iti Tarlac City a mapan iti Cabanatuan City iti 20 a minuto laengen. (Nairaman ti report ni Betheena Unite)
(Damag manipud iti Manila Bulletin.)
