Ni MERLINA HERNANDO-MALIPOT
Tapno makaipaay iti napateg a suporta kadagiti frontliners iti edukasion para iti umay a Tawen- Pagadalan, mangted ti Department of Education (DepEd) iti mapan a 40,000 a laptop kadagiti mannursuro, personnel, eskuela, ken dagiti opisina ti departamento iti sibubukel a pagilian iti daytoy nga Agosto.
Impakaammo ni Education Secretary Leonor Briones itoy nga aldaw, Huebes, a naimbag a damag iti sektor ti edukasion ti pannakaipaay dagiti ramit a mabalin nga ikonektar iti internet kadagiti opisina, eskuela, ken mannursuro iti DepEd.
Kinuna pay ni Briones a dakkel a banag dagitoy iti agtultuloy a pannakaisayangkat ti Basic Education – Learning Continuity Plan ken iti pannakaipay ti teknikal a tulong kadagiti opisina ti DepEd iti sibubukel a pagilian.
Inlawlawag met ti DepEd a napaadda dagiti laptop babaen ti Department of Budget and Management-Procurement Service (DBM-PS) iti babaen met ti Bayanihan to Recover As One Act (Bayanihan II), ti maikadua nga stimulus package ti Turay a mangsaranget kadagiti epekto ti pandemia a COVID-19.
TURISMO: Intayon Idiay Ayuyang Garden iti Pila, Siudad ti Laoag!
Kinuna ni Undersecretary for Administration Alain Del Pascua a naibilinen ti pannakaited ti laptop iti tunggal mannursuro ken kadagiti opisina ti DepEd.
Innayon ni Pascua a bigbigen ti DepEd a dagiti mannursuro nga agus-usar iti bukodda a ramit, ginatangda dagitoy babaen ti bukodda a kuarta. Ngarud, kuna daytoy a responsibilidad latta ti turay ti mangipaay kadagiti laptop.
Dagiti umawat para kadagiti Division ken Regional offices ketiti dagImplementing Units (UIs), Public Schools District Supervisors (PSDSs), Alternative Learning System (ALS) Mobile Teachers, ken Regional and Division Coordinators iti babaen ti Administration Strand.
Kuna ti DepEd a dagiti laptop, ited a direkta ti supplier kadagiti Regional Offices.
Para iti pormal a panaglukat ti School Year (SY) 2021-2022 kadagiti para publiko nga eskuela, kuna ti DepEd a maisayangkat ti napasayaat a blended learning.
(Damag manipud iti Manila Bulletin.)
