Ni MARTIN SADONGDONG
Mapan a 17 a milion a dosis a bakuna a Pfizer ken Sinovac ti maipatulod iti pagilian itoy a Septiembre, kas kinuna ni vaccine czar Carlito Galvez Jr. itoy nga aldaw, Septiembre 11. Innayonna a sabali laeng ti donasion a mabalin nga aggapu iti Japan.
Itay Agosto, nakaawat laeng ti pagilian iti 1.5 a milion a dosis ti Pfizer ngem kinuna ni Galvez a mangipatulod ti agparpartuat iti Pfizer iti agingga iti lima wenno 10 a milion a dosis iti maikapat a kuarter daytoy a tawen.
Gimmatang ti gobierno iti 40 a milion a dosis ti Pfizer para iti 2021, ti kadakkelan a bilang ti bakuna a ginatang ti gobierno itoy a tawen.
Kuna ni Galvez nga iti kadagupanna, mapan a 31.1 a milion a dosis ti bakuna ti mapasangpet ti pagilian itoy a Septiembre, nga aggapu dagiti dadduma a bakuna iti Moderna (tallo agingga iti lima a milion a dosis), AstraZeneca (1.1 a milion a dosis), ken Sputnik V (maysa a milion a dosis).
TURISMO: Intayon Idiay Ayuyang Garden iti Pila, Siudad ti Laoag!
Manipud pay idi Pebrero, kuna ni Galvez a nakaawaten ti pagilian iti 54,794,130 a dosis.
Mapan metten a 37.7 a milion a dosis ti naibakuna iti sapasap a pagilian a nakabakunaanen iti kompleto ti 16.1 a milion a Filipino idinto a mapan met a 21.6 a milion ti nakaawaten iti umuna a dosis ti bakuna.
(Manipud iti Manila Bulletin.)
