Ni MERLINA HERNANDO-MALIPOT
Tapno makapagbasa met laeng dagiti di pay nakaenrol, kuna ti Departamento ti Edukasion (DepEd) a mayatiddog ti panawen ti panagenrol para iti School Year (SY) 2021-2022 agingga iti agtapos daytoy a bulan.
Bayat ti virtual National School Opening Day itoy a Lunes, Sept. 13, kinuna ni DepEd Undersecretary Revsee Escobedo a mayalud-od agingga iti Sept. 30 ti panawen ti panagenrol idinto nga innayonna a mangnamnama ti DepEd nga ad-adu ita ti agenrol no idilig iti napalabas nga School Year.
Iti agdama, kinuna ni Escobedo nga addan 24,603,822 a nakaenrol. Itoy a bilang, 18,603,822 ti adda iti public schools; 1,443,949 iti private schools; ken 41,348 iti State Universities and Colleges (SUCs)/Local Universities and Colleges (LUCs).
Adda met nakaenrol a 198,297 iti Alternative Learning System (ALS).
TURISMO: Intayon Idiay Ayuyang Garden iti Pila, Siudad ti Laoag!
(Manipud iti Manila Bulletin.)
