Ni AHIKAM PASION
SAN FERNANDO, La Union — Impakaammo ni Ferdinand Alexander “Sandro” Marcos, ti agtawen iti 27 nga apoko daydi Presidente Ferdinand E. Marcos, nga agkandidato isuna a diputado a kas pannakabagi ti umuna a distrito ti Ilocos Norte.
Impakaammo ni Sandro Marcos daytoy bayat ti kaaddana iti Sarrat, Ilocos Norte itay Sept. 14, ken kinadua isuna ti amana, ni dati a Sen. Ferdinand “Bongbong” Marcos, Jr.
Sakbay ti itatapogna iti politika, agtrabtrabaho ni Sandro Marcos iti opisina ti ulitegna a ni House Majority Floor Leader, Leyte 1st District Congressman Martin Romualdez.
Kuna dagiti agsipsiput iti taray ti politika iti Ilocos Norte a mabalin a makasango ni agkabannuag a Marcos ni nakatugaw ita a pannakabagi ti umuna a distrito ti probinsia, ni Representative Ria Fariñas.
TURISMO: Intayon Idiay Ayuyang Garden iti Pila, Siudad ti Laoag!
(Manipud iti Manila Bulletin.)
