Manipud iti MB Technews
Agtinnulongen ti Smart Padala ti PayMaya ken ti Western Union tapno mapadaras ti panangala ti asino man iti kuarta a maipatulod kenkuana babaen ti Western Union.
Babaen daytoy baro a serbisio, mapan laeng ti umawat iti kuarta iti kualipikado nga outlet ti Smart Padala ket ibagana ti Money Transfer Control Number (MTCN). Naggapu man ti kuarta iti ballasiw-taaw wenno iti ania man a paset ti Filipinas, maalana ti kuarta nga awan ti bayadanna.
Makiddaw kadagiti amin a kustomer a surotenda dagitoy nga addang:
1. Mapan iti https://smartpadala.ph/find-a-smart-padala-agent, iserrek ti detalye ti lokasion (location details) ken pilien ti Western Union iti partner drop-down menu tapno maammuam no yan ti kaasitgan nga ahente ti Smart Padala.
Manipud Kadagiti Agdama a Kameng ti Bannawag: Dios ti Agngina!
2. Iti yan ti ahente, ited ti kustomer ti MTCN (Money Transfer Control Number) nga impatulod kenkuana ti nangipatulod kenkuana iti kuarta (sender), nagan ti umawat iti kuarta (receiver’s name), ken numero ti selpon (mobile number).
3. Adda maipatulod a 6-digit OTP (one-time PIN) iti numero ti selpon ti umawat iti kuarta, nga itedda met iti ahente ti Smart Padala tapno makompleto ti transaksion, ken maawat ti kustomer ti kuarta manipud iti Western Union.
Apaman a maawatna ti kuarta, mabalinen nga usaren ti kustomer daytoy a pagbayad iti bills (singir iti koriente, danum, kdp.) wenno panggatang iti prepaid load.
