Ni ANALOU DE VERA
Pagyamanan ti Department of Health (DOH) ti kuna ni Presidente Duterte a padasen ti turay ti agsapul iti ad-adu pay a pondo tapno makayempleo daytoy iti ad-adu a healthcare worker iti baet ti laban kontra iti pandemia a coronavirus disease (COVID-19).
Iti maysa a pakaammo ti DOH itoy Huebes, Septiembre 16, kuna daytoy a pagyamananda ti nadakamat ni Presidente Duterte. Dinakamat daytoy a dagiti healthcare workers ti agpapaay a duri iti panangsaranget ti pagilian iti COVID-19, ket ngarud, kanunongan ti Department of Health ti pannakailatang ti umisu a benepisio kadagiti healthcare workers.
Bayat ti naipabuya iti telebision a bitla iti publiko itoy Huebes, kuna ni Presidente Duterte a ti nasayaat a sueldo, allukoyenna ti ad-adu pay a healthcare workers a tumulong a manglaban iti pandemia.
Kuna daytoy a kitaenna no ania ti maaramidan (ti gobierno), mainaig iti panagsapul iti pondo tapno makarekrut iti ad-adu pay a healthcare workers.
TURISMO: Intayon Idiay Ayuyang Garden iti Pila, Siudad ti Laoag!
Kabayatanna, kuna ti DOH a makipakpakaasi kadagiti agpampanday-linteg tapno manayonan ti badiet ti departamento iti 2022 tapno makayempleoda iti ad-adu pay a healthcare workers ken para iti benepisio dagitoy.
(Damag manipud iti Manila Bulletin.)
