Daniw ni FRANCISCO T. PONCE
Malagipko latta dagidi damortis
Iti igid ti waig idiay Napo
Nga inungaw ti narungsot a bagyo
No makitak dagiti damortis
TURISMO: Intayon Idiay Ayuyang Garden iti Pila, Siudad ti Laoag!
Iti Gieger Road
A dalanko nga agpallailang
Iti Makaiwa Hills
Ditoy, makita ti pakabuklan ti Pearl Harbor
Ti Honolulu International Airport
Nalamiis, naulimek ti aglawlaw
A kas man lubong dagiti engkantado
Makapasalibukag ti angin nga umaplaw
A mangpunas dagensen ti barukong
Urayek nga abungotan ti sipnget ti lubong
Tapno maimatangak
Dagiti riniwriw a silaw a kasla bituen
A naiburandis iti daga
Wen, naitanemen a pakasaritaan
Dagidi damortis idiay Napo
Ngem kasano koma a malipatak
Dagidi nadaeg a buya iti pinanawak a lugar
Dagidi damortis sadiay ti rangtayta
A nagdakiwas iti sam-it
Ken pannakapnek iti lubong dagiti bituen
Ket ita, dagiti damortis iti Gieger Road
Ipaltiingda ti kaaddam iti barukongko.
