Daniw ni HONOR BLANCO CABIE
1
sarsaripiten
daytoy riknak
kunak nakakaasiak
Manipud Kadagiti Agdama a Kameng ti Bannawag: Dios ti Agngina!
sumngaw pulos awan
panagpitikpitik pusok
panagsangalsangal utekko
mangrienrienda sipapasnek
luglugobanna 'toy karkarmak
palpaltikanna ditoy dita idiay
ulawennak anian ulawennakami.
~daksanggasat~
ulawennakami anian ulawennak
idiay dita ditoy palpaltikanna
karkarmak 'toy luglugobanna
sipapasnek mangrienrienda
utekko panagsangsangal
pusok panagpitikpitik
awan pulos sumngaw
nakakaasiak kunak
riknak daytoy
sarsaripiten.
2
sirmata
addaan tattao
rungduenda batibat
arakupenda parbangon
mangyetnag namnama
nalaylay panaglasat tawen
makipilada aduda agrehistroda
pontinpen ramramay agdanggay
nasaliwanwan a masangnguanan
sirmata addaan bisked ken bileg.
~namnama~
bileg ken bisked addaan sirmata
masanguanan a nasaliwanwan
agdanggay ramramay pontinpen
agrehistroda aduda makipilada
tawen panaglasat nalaylay
namnama mangyetnag
parbangon arakupenda
batibat rungduenda
tattao addaan
sirmata.
