Ni ARGYLL CYRUS GEDUCOS
Imbilin met laengen ni President Duterte ti saanen nga inkapilitan a panagusar iti face shield iti ruar, malaksid kadagiti 3Cs wenno closed spaces, crowded places, ken close-contact settings.
Sakbayna, naruay dagiti dawat a maikkaten ti nasao a pagalagadan gapu iti rikut ti panagusar iti daytoy ken iti mapapati a kinaawan epektona iti laban kontra iti pandemia a coronavirus (COVID-19).
Iti nairekord a bitla daytoy iti rabii ti Mierkoles, Septiembre 22, kinuna ni Presidente Duterte a ti pangngeddengna, naibatay iti rekomendasion dagiti medical experts ken ti technical working group ti task force ti gobierno kontra iti pandemia.
Nupay kasta, maibatay met laeng iti rekomendasion dagiti eksperto, inkapilitan latta ti pannakausar ti face shield kadagiti 3Cs wenno establisimiento ken aktibidad a maibilang a close, crowded, ken close-contact.
Manipud Kadagiti Agdama a Kameng ti Bannawag: Dios ti Agngina!
Inlawlawag ni Presidente Duterte a dagitoy ket uneg dagiti establisimiento, transportasion, panagtataripnong, ken dadduma pay nga aktibidad nga agiinnasideg dagiti tattao.
(Damag manipud iti Manila Bulletin.)
