Pinili ti Norwegian Nobel Committee ni Maria Ressa ti Filipinas, kaduana ni Dmitry Muratov ti Russia, a pakaipaayan ti Nobel Peace Prize itoy a tawen gapu iti panangilabanda iti pannakasaluad ti wayawaya a mangipeksa iti kapanunotan (freedom of expression) iti bukodda a pagilian.
Maysa nga agiwarwarnak iti uneg ti mapanen a 35 a tawen, ni Ressa ti maysa kadagiti pundador ti Rappler, ti kangrunaan a digital news site a mangilablaban iti wayawaya ti prensa (press freedom) iti Filipinas.
Kas CEO ken presidente ti Rappler, nagsagaba ni Ressa iti di agsarday a political harassment ken panangkemmeg kenkuana ti gobierno ni Presidente Duterte; napilitan a nagpiansa iti naminsangapulo a gundaway tapno saan laeng a maikarsel.
Naiparang ti panangilaban ti Rappler iti kinapudno ken demokrasia iti dokumentario nga “A Thousand Cuts” a naipabuya iti Sundance Film Festival.
TURISMO: Intayon Idiay Ayuyang Garden iti Pila, Siudad ti Laoag!
(Manipud iti The New York Times ken rappler.com)
