Ni OSWALD A. VALENTE
CURRIMAO, ILOCOS NORTE. Agbalubal iti maikadua a gundaway da agdama a Mayor Edward "Boyet" T. Quilala ken sigud a Mayor Gladys Go Cue iti Currimao, Ilocos Norte.
Agdagup iti 249 a butos laeng ti nangitarayan ni Quilala ken Cue iti eleksion idi 2019. Gapu itoy, manamnama a nairut manen ti binnalubal dagitoy dua a kandidato a para mayor iti masungad nga eleksion lokal iti Currimao inton Mayo 9, 2022.
Makuna a dagitoy laeng dua a pamilia—Quilala ken Go-- ti makabalin nga agsangdo iti politika iti Currimao iti agdama. Anak daydi Cirilo M. Quilala, nagmayor iti 20 a tawen idi panawen ti administrasion ni Presidente Marcos, ni "Boyet" Quilala; idinto nga anak met dagidi agassawa nga Ernesto G. Go ken Rosario C. Go, agpada a nagmayor iti Currimao, ken kabsat daydi Wilbur C.Go, nabayag met a nagmayor iti Currimao, ni Gladys Cue.
Segun ken ni Antonio P. Guillermo, COMELEC Registrar ken Administering Officer ti Currimao a kandidato iti babaen ti partido Kilusang Bagong Lipunan (KBL) ni Quilala idinto nga iti Nacionalista Party (NP) met ken ni Cue.
Mannurat ti Bannawag Clotilde C. Alzate, rinambakanna ti maika-100 a panagkasangayna
Katiket ni Quilala a para bise mayor ni Carmencita Ramos-Raguindin (asawa ti para bise ni Quilala idi 2019) a nagkandidato iti partido a Laban ng Demokratikong Pilipino (LDP); idinto a katiket met ni Cue ti ipagna ken agdama a bise mayor, Sandra Tan Cabreros, iti biang ti Nacionalista Party (NP).
Duapulo ket maysa met dagiti kandidato a para konsehal:
Aglipay, Janet Gonzales (KBL); Aglipay, Mark Louie Soria (KBL); Allado, Margarita Galapia (NP); Arguilla, Edgar Galzote (IND); Buyat, Felix Opilas (IND); Fernnado, Jay Lord Galan (NP); Galzote, Cesar Madriaga (KBL); Gonzales, Myar Umayam (NP); Lacbayan, Elvis Dacanay (NP); Lacsa, Allan Pascua (NP); Lazo, Ceferino Jr. Rabang (IND); Lazo, Charles Anthony Parado (NP); Menor, Jimmy Molina (KBL); Ragonjan, Deirdre Sadian (LDP); Ragonjan, Myra Sagun (NP); Raguindin, Kent Ragonjan (KBL); Reyno, Elmer Dadoy (KBL); Sanguir, Rodel Sadian (IND); Silao, Reuben Suga (KBL); Tablac, Kathleen Villanueva (NP); ken Valenzuela, Allan Bagasao (IND).
