PAGWADAN. Isubsubli ni Alexander Foronda (kanigid) ti petaka a naglaon iti P24,000 a cash iti agtagikua iti daytoy a ni Bonifacio Jose Jr., idi Martes, Oktubre 26. Agtrabtrabaho a kas maintenance worker iti mall, madama nga agdaldalus ni Foronda iti maysa a paset ti mall idi makitana ti petaka. (Pammadayaw ni Krystal Gayle Agbulig ken ti Manila Bulletin ti ladawan)

SIUDAD TI CAUAYAN, Isabela — Mapagsasaritaan ita ti maysa nga empleado iti maintenance ti maysa a mall iti daytoy a siudad gapu iti panangisublina iti agtagikua iti petaka nga aglaon iti P24,000 a cash idi Martes, Oktubre 26.

Agdaldalus ni Alexander Foronda iti naituding kenkuana a lugar idi makitana ti petaka, maibatay iti istoria nga imbinglay ti maysa nga estasion ti radio iti nasao a siudad. 

Dagus nga inkamang ni Foronda ti napidutna iti security department a nangpalupot met iti akinkukua malaksid a pinatalgedan ti Customer Relations Services ti mall a pudno a kukuana daytoy.

“Ti kinasayaat ni Alexander, pakaanninawan laeng ti naimbag a kababalin dagiti amin nga empleado ti mall," kinuna ti akinkukua iti iti petaka a tagaprobinsia ti Quirino.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Iti maysa a pakaammo, kuna ti SM Group of Companies a lugayan ken agtultuloy ti panangin-inspirarna kadagiti empleadona nga agbalin a pagwadan iti napudno ken addaan integridad nga umili. 

(Damag manipud iti Manila Bulletin ken Philippine News Agency)