Dua a Daniw ni HONOR BLANCO CABIE
1
no 'tay dumteng piestat' kararua 'diay
pinili nga innak dinakkelan
adut' maluto a pagpasaran
iti nadumaduma a balay.
sumallatik ken bitsubitso 'ti
sidiran 'tay baduya, yatangda
pagpasaran kanot' immun-una,
isuda a pagrukodan puli.
adda pay basi't abay dagiti
adda 'ti lamisaan a pinggan,
adda pay 'tay gawed ken 'tay mama
kas panglagip inaunat’ puli.
kabigatan iti papanganan
anian rimatda dagiti mata.
Manipud Kadagiti Agdama a Kameng ti Bannawag: Dios ti Agngina!
2
dakam a musiko no 'tay piesta
ti minatay addakami sadiay
sementerio yan agin-inana
kabagian ken saan labes bantay.
no 'tay adda agpatokar idi
lawlawenmi daydiay nakaikalian
wenno panteon, agar-aruyot ti
liday no 'tay tokarmi mangngegan.
daytat' nabisked a kulturami
no 'tay dumteng piesta ti minatay,
adut' agan-anug-og rabii,
aduda a masmasneban liday.
tokarmi no piesta ti minatay
pudno nga ep-epenna 'tay liday.
