Ni CLES B. RAMBAUD

Inangay ti Mariano Marcos State University (MMSU) Graduate School, Siudad ti Laoag, ti maysa a webinar nga inawaganda iti BALISARI (Balikas ken Sarita) 2021 itoy nga aldaw, Oktubre 31.

Naawis a nagsarita da Joel B. Manuel (sarita), Aileen R. Rambaud (flash fiction), ken Dr. Ryan A. Dulig (daniw a para ubbing).

Inlungalong dagiti estudiante iti Master of Arts in Education ti nasao a webinar iti panangidaulo ni Dr. Jhanese Asuncion, mangisursuro iti Regional Literature.

Nagpaay a host da Rowell Esteves, Athenna Joy Espiritu, ken Mereidith Aira Ortega.

Agpapada a mannurat ti Bannawag da J.B. Manuel, A.R. Rambaud, ken R.A. Dulig. Agpapaay a Principal IV ni J.B. Manuel iti Bangui National High School, Bangui, I.N., Principal I met ni A.R. Rambaud iti Badio Elementary School, Pinili, I.N., ken PrincipaI I ni R.A. Dulig iti Caribquib-Crispina Elementary School iti Banna, Ilocos Norte.