MAGNA CUM LAUDE. Ni Angelito “Boyet” Fernando iti panagturposna iti Bachelor in Physical Education iti College of Human Kinetics, Polytechnic University of the Philippines, Sta. Mesa, Manila, kas Magna Cum Laude. Isu pay ti nangipaay iti Valedictory Address iti 2021 Year-End Commencement Exercises nga inangay ti pagadalanda idi Sept. 23 a nagpaayan ni Dr. Virginia D. Akiate, Director IV, Commission on Higher Education a kas Commencement Speaker. Tubo ti Puritac, Pinili, Ilocos Norte ni Boyet, awagna kadagiti kasingedna, ken anak da Rodrigo “Ago” ken Gina Lacambra (maikalima ken maikanem, nakatakder iti akintengnga a linia, agpakanigid, grupo a ladawan, baba). Nairaman pay iti grupo a ladawan ti sumagmamano kadagiti kakabagianna a iti yan ti impuestoda a tarpaulin a kas pangkablaaawda kenkuana. Agpakanawan, nakatakder, likud: Zaldy Rabacal, Lito Balgos, ken Anthony Lacambra (kabsat ni Angelito). Maikadua a linia, agpakanawan: Cherry Pagdilao, Grace Balgos, Shorna Sadanguil, Liza Gajultos, Evelyn Sadanguil, Gina Lacambra (nanang ni Angelito), Rodrigo Lacambra (tatang ni Angelito), Rex Lacambra ken Mark Vincent Lacambra (kakabsat ni Angelito), Zenith Giliw Gajultos, ken Francis Pagdilao. Nakatugaw (agpakanawan): Floring Pagdilao, Perlita Rambaud, Heidy Lacambra (kabsat ni Angelito), Genevieve Rabacal, ken Meinard Pagdilao. (Teksto ken ladawan: Aileen R. Rambaud)

RICE PADDY ART. Naparnuay ti “rice paddy art” iti Mariano Marcos State University, Siudad ti Batac, a pakakitaan ti ladawan ti rupa ni Don Mariano Marcos, ama ni Presidente Ferdinand E. Marcos, a nakaipanaganan ti unibersidad, 28 nga aldaw kalpasan a nairaep dagiti nagduduma a barayti ti pagay. Wagas met daytoy a panangitag-ay ti unibersidad, babaen ti pannakibinnulig ti Philippine Rice Research Institute (PhilRice)- Batac iti agrikultura iti Kailokuan. Naluktan iti publiko ti panagpasiar iti Rice Paddy Art idi Septiembre 23 ken iti President’s Farm idi Septiembre 28. Makita iti ladawan dagiti opisial ti MMSU, PhilRice-Batac, CGU-Batac, Bise Gobernador Cecilia Araneta Marcos ti Provincial Government of Ilocos Norte, ken Dr. Santiago Obien. Agpakanawan: Presidente ti MMSU Dr. Shirley Agrupis; PhilRice OIC-Branch Director Ms. Hazel Jane Orge; Bise Gobernador ecilia Araneta-Marcos; Dr. Santiago Obien, senior adviser ti Department of Agriculture ken umuna a direktor ti PhilRice; dagiti kameng ti Sangguniang Panlungsod ti Batac a da Hon. Violeta Nalupta, Hon. Bernan Marders, Hon. Kichel Jomarie Pungtilan, ken Hon. MacArthur Aguinaldo. (Teksto: Kimberly S. Miguel)