Ni HONOR BLANCO CABIE
1
anian laing nga agarado ni
atanudko, no 'tay tangbaw innan
a talmegan agriaw kakellengan,
5 a Daniw
agallangogangen panagdir-i.
iwalinna 'tay bakbaka ken 'tay
kabkabrong pasaratsat naikapet
iti tangbaw, ay! addaan pasnek,
agungap a daga malinglingay.
'diay nuang agsardeng ken tumaliaw pay,
lapayagna isu 'tay agsipat
ta 'diay daga nga ung-ungapenna
daniwanna pannakamurmuray.
mata ni 'tanudko, ay! agrimat,
agsawsawar met daydiay karkarma.
2
Mabalin pay ti agarado iti rabii uray no awan
bulan, apo?
--saludsod ti maysa a managpaliiw
maipanggep iti maysa a daniw ti umaarado.
ta pinaisemnak saludsodda
no mabalin 'tay agarado no
addan 'tay rabii, atanudko –
kunak awan pay unay padasda.
iti ramramay ken dakulap 'diay
dakkel ni 'tanudko no 'diay tangbaw
wenno witiwit iggaman aliaw
awan, arado 'tay malinglingay.
iti kasipngetan arado 'diay
mangted pagriingan ti bakbaka,
kabkabrong ken daga nga addaan
ti iliw a koma malinglingay.
'ti rabii awan ti pudotna,
awan 'tay makapaso 'ti dapan.
3
adu 'tay gameng a mapidutko
nga ibulsitok met no 'tay innak
agmaymaysa't naimeng lubongko,
sadiay kaabayko 'toy karkarmak.
no kasano a pagdaniwenna
daydiay aradona no 'tay innan
a pagungapen dagus 'diay daga
a din a maitudot' ragragsaknan.
ammok innak italmeg met no 'tay
kayatkot' daniw, kas soneto met
koma, 'tay daniw a manglinglingay
mangted awan sarday a rupanget.
adda met nasursurok, 'tanudko,
no 'tay dakdakamin 'diay lubongko.
