Napili ni Anna Liza Madayag Gaspar ti Ilocos Norte a kas umuna a pakaipaayan ti nabiit pay a naparnuay a Vinod Thomas Scholarship Award.

Maipaay ken ni Gaspar daytoy nga scholarship iti panangalana iti Executive Master in Disaster Risk and Crisis Management iti Stephen Zuellig Graduate School of Development Management iti Asian Institute of Management, maysa nga institusion iti panagsukisok (research institution) iti Siudad ti Makati.

Agpapaay ni Gaspar a Supervising Labor and Employment Officer ti gobierno munisipal ti Piddig, Ilocos Norte.

Kas mannurat, kolumnista ni Gaspar iti Bannawag maipanggep iti panangimanehar iti kuarta (“No Adda Sigsigloten, Adda Met Warwaren” malaksid nga agsursurat pay kadagiti daniw ken sarita a para ubbing. Agpapaay pay iti agdama a kas Auditor ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw.