Ni EDISON B. TOBIAS
Maysa ti Municipal Nutrition Council ti Santa Teresita, Cagayan kadagiti 2021 Regional Awardee iti 2021 Regional Nutrition Awarding Ceremony a naangay itay Nobiembre 26, 2021 iti Plazza Zicarell Hotel and Restaurant, Gamu, Isabela.
Inawat ti nasao a pammadayaw dagiti pannakabagi ti ili a da Municipal Nutrition Action Officer (MNAO) Dr. Cynthia Lyn Tindoc Melchor, BNS Awardee Lorena Padios, ken ti kameng ti MNC a ni Ms. Cheryll Palor Pancho.
Bigbigen ti grupo a ti pammadayaw, gapu daytoy iti nasayaat a panangimaton ti ama ti ili, ni Mayor Rodrigo “Rambo” De Gracia, CESE, kas Chairman ti Municipal Nutrition Council (MNC) iti tulong ti Vice Chairman a ni SB Member Jeff Javier.
Daytoy ti umuna a gundaway a napadayawan ti ili ti Santa Teresita iti rehional a lebel. Sakbayna, naipaay iti ili ti 2019 Green Banner Seal Of Compliance, ken maikadua, ti 2019 Provincial Outstanding Barangay Nutrition Scholar iti Cagayan (naipaay ken ni BNS Lorena Padios ti Barangay Centro West ti nasao nga ili).
TURISMO: Intayon Idiay Ayuyang Garden iti Pila, Siudad ti Laoag!
Sakbayna, nangisayangkat ti Provincial Nutrition Committee (PNC) iti ebaluasion kadagiti amin nga ili iti Septiembre 2021 babaen ti Monitoring Evaluation Local Level Plan of Implementation in Nutrition a buklen dagiti nadumaduma nga ahensia kas iti MSWDO, DA, DepEd, DILG, MHO, Budget Office, MPDC ken NGOs a nangpilianda iti Sta. Teresita a mailaban iti agpang rehional.
