Ni HONOR BLANCO CABIE
1
buneng daydiay iggemda 'di gubat --
o dios sikat' salaknibda iti
lapgis iti pannakigubgubat,
Manipud Kadagiti Agdama a Kameng ti Bannawag: Dios ti Agngina!
o dios amami a saluad puli.
mastrekda amin a surbot idi,
essem rikna a maisalakandat'
nayepyep nakaturog 'ti sipi,
tipdenda da sakang iti tagbat.
panangsalaknibda't kailianda
isu daytoy ti bugas daniwko:
nasudida, turedda 'tay adda,
inwayatda pagtamdan mugingko.
lagip, raemko't bolomen* adda
idulinko ta sarmingko dayta.
*idi tiempo ti gubat idi dekada 40,
nabuangay ti bolomen regiment
iti pinili. ni mariano gamatero ti puzol
ti komander; da major agustin b cabie
ti upon ken major florencio tacub ti puzol
dagiti kakaduana. (basaen ti p. 103 ti
pinili metamorphoses into motion
(armiandy publishers, cainta), 2012.
2
sadino man itat' taliawek, ay!
awan man lat' mangipalpalagip
laing ti bolomen nangted sal-it
a nangsinit sakang ken nangpatay.
kaasida, manen makunkunak,
no 'tay batonlagip awan man la
iti pagpagnaak -- anian dayta,
basnot mamagtigerger karkarmak.
'tay angesda impuspustada 'diay
ungto ken surong barbario idi
madukotan kalaban a sakang
inda sinasaed ken pinatay.
lagip agyaman nga umili ti
innak sapulen -- agsaem bakrang.
3
awan man la ni pirsay a bato,
daytay nakaisuratan naganda,
da bolomen pinili nga adu,
awanen 'ti lagip puli ita.
kunak masansan kakaasida
isuda a nagpaspasiar iti
naruay a bario 'tay kalabanda
addan umarubayan rabii.
saed pamay-anda tapno puli
isu 'tay maisalakan, ay! awanÂ
gapuna a dumteng ti rabii --
ladawanda nabisked pagnaan.
ay! ngem anian, atanudko, awan
'tay man batonrimat panglagipan.
