Dua a Daniw ni HONOR BLANCO CABIE
1
barangbang nga agkakamakam 'diay
umatiperper pampamay-anna,
gurgurongna napardas 'diay taray,
TURISMO: Intayon Idiay Ayuyang Garden iti Pila, Siudad ti Laoag!
taray didiay, taray ditoy, dita.
anian a panangkamatkamatna
kadagiti kabusor ti balay,
ellekna 'tay awan ngem balana
no sumagitsit, ay! makapatay.
nakaaruat aruat soldado, ay!
iwalinnat' kabusor 'ti balay,
maidasay amin a kalabanna
iti pingetna a pumatpatay.
lagto ditoy, lagto dita, didiay:
es-essemanna 'tay makapatay.
2
kinaparagsitna a kumamat 'diay
adda rungsotna a kalabanna
mabangonnat' panagraem, daydiay
inna ar-aramiden bukodna.
nangato 'toy raem ad-addangna
a mangpaksiat sairo 'ti balay,
kamatenna ida awan ingga,
ur-uray la maitiktiklebda 'diay.
manen agsardeng, agtaliataliaw --
umanges la't biit, no aggunay
daydiay muyong awan daytay aliaw,
daras aglemlemmeng sadiay matay.
o dios, siputam 'toy apok,* dayta
ti dawatko, 'toy muging ken rikna.
*milek andrey, 6 ti tawenna.
