MAESTRA ITI AWAY. Isursuro ni Divina Rebese Bumagat, Teacher 1, iti Dibay Elementary School, dagiti adalanna iti Sitio Pilid, Brgy. Dibay, Calayan, Cagayan. Mamitlo iti makalawas (Lunes, Mierkoles, ken Biernes) a sarungkaranna dagiti adalanna iti nasao a sitio. Pagnaenna iti agarup dua nga oras ti napitak ken nagalis a dalan a lumasat iti kataltalonan ken kabambantayan tapno madanon ti lugar. Iluganna met iti nuang dagiti modiul nga ibunongna iti tunggal balay dagiti adalanna. Saan nga iginggina ni Maestra Divina ti rigat ti panagdaliasatna gapu iti kinapudnona iti trabahona ken iti ayatna kadagiti adalanna. (Rinetrato ni Karen Cangas Balmores/Teksto ni R Jay Genova)

(Naipablaak iti Enero 1-15, 2022 a bilang.

Kadagiti kayatna ti ag-subscribe iti e-Edition, mapan iti ania man kadagitoy a link: Press Reader wenno iti Magzter.

Para iti naimaldit a kopia, ag-email iti [email protected] wenno kauman ni Boy Balanag iti CP Number 0916 269 2390

Laglagipenyo koma met, kakailian, nga i-like daytoy FB Page ti Bannawag Magazine. Dios ti agngina.)