Ni BETHEENA UNITE
Kiniddaw ti Malakanyang itoy nga aldaw, Enero 11, kadagiti agdagup iti tallo a milion a senior citizen a di pay nagpabakuna agingga ita nga agpabakunada koman ta isuda ti maysa kadagiti nalaka a kapten ti coronavirus disease (COVID-19).
Kinuna ti Malakanyang, babaen ken ni Acting Presidential Spokesman Karlo Nograles, a maysa a napateg nga akem ti gobierno nangruna ket maibatay iti World Health Organization (WHO), dagitoy ti karirisguan ti salun-atda.
“Iti pagilian a 7 iti kada 10 a matay a pasiente gapu iti COVID-19 ket dagiti agtawen iti 60 agpangato, kasapulan dagiti senior citizen ti nayon a salaknib a maited ti bakuna,” kinuna ni Nograles.
Innayonna a natalged amin a bakuna a maar-aramat iti Filipinas kontra iti COVID-19, kas paneknekan ti Food and Drug Administration (FDA).
TURISMO: Intayon Idiay Ayuyang Garden iti Pila, Siudad ti Laoag!
Agingga iti Enero 10, nakaipaayen ti vaccination drive ti gobierno iti 114-milion a dosis. Mapan met a 62-milion a katao ti naipaayanen iti umuna a dosis idinto nga agarup 53-milion a katao ti naipaayanen iti dua a dosis (fully vaccicanted). Mapan metten a 3.5-milion ti naipaayanen iti booster dose.
Kinuna ni Nograles a panggep ti gobierno ti makabakuna iti 90 a milion a katao sakbay nga agtapos ti Hunio 2022.
(Manipud iti Manila Bulletin)
