Tallo a Daniw ni HONOR BLANCO CABIE
1
Let us all resign together here in the
Manila Cathedral; ako tinatakot nyo?
I will forfeit all my benefits, anak ako ni
TURISMO: Intayon Idiay Ayuyang Garden iti Pila, Siudad ti Laoag!
Elvira Guanzon, ni Judge Sixto Guanzon,
war hero...anak ako ng hasendero; mag-resign
tayong lahat sabay sabay para magdildil kayo
ng asin,* ako sigurado hindi ako magdidildil ng asin.
--Comelec Commissioner Rowena Guanzon
iti sanguanan dagiti kameng ti media
mano la nga aldaw sakbay nga agretiro
napalpalalo pay ngem 'tay ubing
nga agbirbirakat, agkusaykusay,
panagarasawna ta awan sarday --
koma adda't sanguanan 'tay sarming.
panagmesmes pati panaglibbi
iti sangnguanan dagiti dumngeg
'diay dayawna inna imammameg,
daytoy kadin naggamotan kari?
panagpukpukkawna 'ti abay da
mamadre inladawanna daytay
dinangaw nga ugali ti puli,
nasabawilan a panagrikna.
nadagsen 'diay inna ibakbaklay,
gumarugad daydiay panagdir-i.
*'magdildil kayo ng asin' -- maysa
nga idioma wenno pagsasao kas
samtoy kadagiti ilokano -- kayatna
a sawen 'agbalinkayo a pobre.'
2
talloda nga agbotos 'ti likud
mata ti publiko 'ti kaso, 'tay
naited -- ay! ngem kano adda buntog
nakaigapuan maysa 'tay nagkusay.
'ti annuroten a linteg awan
aglaawlaaw no awan pay 'tay
pangngeddeng dagiti tallo -- anian
naisiwsiwawin 'diay agkuskusay.
awanen makalawas timekna
awanton awengna't pagaaduan
maymaysanton hasienda ken dana
magmagnanton 'diay a nayaw-awan.
kenkuana langiten 'tay agtupak
ngem sarapenna't panagiriak.
*dagiti tallo a komisionado: rowena
guanzon; aimee ferolino; marlon casque --
napusgan a mangtming iti tallo kadagiti
walo a kaso laban ken ferdinand 'bongbong'
marcos iti panagtarayna a para presidente.
3
pannakabriat ti langit batogna
daydiay baket mangmesmesmes iti
pungtot a di bibiangen ti puli
ipakpakitanat' saniitna.
ipulsoanda koma no ania daydiay
mangar-ariweng bukod a pispis,
daydiay saniit ta manglaplapgis --
awan, atanudko, naka'y-ay-ay.
lungalongko ta santiguarenda
koma, ta amangan adda daytay
nadaldalapusna ta aglabiar
metten, ngumerngernger 'diay dilana.
ta kurangnan agussob agtaray
iti dana ti la'dda a pambar.
