Dua a Daniw ni HONOR BLANCO CABIE
1
kaasida, nakakaasida,
awan man lat' tumimtimpag iti
nalinis a diding ti mugingda
TURISMO: Intayon Idiay Ayuyang Garden iti Pila, Siudad ti Laoag!
ukranio nga ubbing maipakpakni.
awan ni maysa a tali daytay
maiparparaut 'ti tengnged, teltel
wenno maisapsaplit 'ti bukot, ay!
dida mariknat' pannakabekkel.
di adayo't inda pagtaengan,
pakadaldaleban dadduma 'diay
rumagutok a kanalbuong, 'nian
daydiay panagbang-es – ay-ayda pay.
aman* volodymyr maasika,
pengdam adda dardarasudosna.
*Kadagiti hudio, ti awagda iti
Mannakabalin Yahweh, Adonai,
wenno Elohim. Iti letra ti Hebrew,
agbalin wenno maibalikas daytoy
a Yod-Heh-Vav-Heh, wenno
iti letra romano JHVH.
Ni Volodymyr Zelensky, maysa
a Hudio, ti Presidente ti Ukraine.
2
mangal-alun-on 'ti rikna daydiay
agkarkaradap nga apuy iti
malasanglasang a tangke, ay-ay
pay dagidiay kinemmeg rabii.
isuda nga adda sadiay uneg
ti tangke a nangbangbang-es dana
awan nadlawda nga immasideg
nakasapatos a kalabanda.
apagdarikmat 'di daras bimtak,
napirpirsay, naiwarwarsi iti
natapok a pagpagnaan, pimsuak
ti biagda nga agdappat a puli.
saandan a nauray ti bigat,
'ti dalanda adda 'tay timmagbat.
