4 a Daniw ni HONOR BLANCO CABIE
1
sang-at surong
nagay-ayaman
karkarmak a nagubing
TURISMO: Intayon Idiay Ayuyang Garden iti Pila, Siudad ti Laoag!
nakaisanengan ragragsakko
mangparpariir mangted pul-oy
salibukag ken saliwanwan bagi
itagtag-ayda pay riknak mugingko
butaka ken papag sanggir karkarmak
abrasador ken pungan aldaw ken rabii
panawen kalgaw nepnep surong sang-at.
~pagsarsarmingak~
sang-at surong nepnep kalgaw panawen
rabii ken aldaw pungan ken abrasador
karkarmak sanggir papag ken butaka
mugingko riknak pay itagtag-ayda
bagi saliwanwan ken salibukag
pul-oy mangted mangparpariir
raragsakko nakaisanengan
nagubing a karkarmak
nagay-ayaman
surong sang-at
2
masansan nga iti pampannagnak
iti nagay-ayaman mugingko
tugotko naimuli't ragragsakko
'diay surong ken sang-at iti tambak
adu, atanud, 'tay napidutko,
isudat' gamengko 'diak mailibak.
upon nakaikalian 'tay kadkaduak
lugar nangtubay 'toy panunotko.
nakaimatang muging ken riknak
no 'tay adda gundawayko, sadiay
innaldaw 'tay panagpaspasiarko
sadiay daytay indayon 'toy riknak.
sadiay adda't bulsitok linglingay,
umdas a kinatalnat' mugingko.
3
makitak anniniwan dagiti
agkakasinsin, agkakabsat* pay,
nalpas ti libuten ‘ti rabii,
iti mata rimat naisalapay.
pasetda’t musiko ‘ti ilida,
‘tay grupot’ agtokar ‘ti libut no
semana santa ken no ‘tay adda
piesta daywen tattao nga adu.
ita mariknak ti panagaplaw
rumisrissik a lasot’ init, ay!
manen umarubayan ti kalgaw,
‘toy muging ken riknak mamurmuray.
pannakakitak anniniwanda
isarsarmingnat’ iliw ‘toy rikna.
*dagiti agkukuyog nga agkakasinsin:
justin (tenor saxophone); casing (clarinet);
valentin (sousaphone); flor (trumpet); ken
hbc (trombone) – agpapada a kameng ti
pinili tiger boys band kalpasan ti panagkamengda
iti pinili troubadors band nga indauluan met laeng
ti kasinsinda a sianong (clarinet).
