Tallo a Daniw ni HONOR BLANCO CABIE
lima nga agkamkammel iti piskeria, idi
umadani ni agpailayon nga apo mayor,
madama ti panagkampaniana, timmakdangda
a nakialamano, alat laeng ti nakaibarikes
Manipud Kadagiti Agdama a Kameng ti Bannawag: Dios ti Agngina!
kadakuada): apo mayor, kukuam ti botomi.
mayor: (kabayatan pannakidakulapna): agyamanak apo.
1
idi lumabas 'diay politiko --
ta madamat' kampaniana idi --
yan agkamkammel a mannalon 'ti
piskeria, ay! umlekka, 'tanudko.
timmaldiap dagiti agkamkammel
kaballaibaan a piskeria, ay!
adda't matan mayor panagrayray
'di isemna a ta makabekkel.
idi agmaymaysan manen daytay
panagis-isem di mariendaan:
'karida kukuak kan 'diay botoda,
kabaelak pay met -- ay-ayda pay.'
tunggal sumrek dayta't pagpagnaan
marikriknanan nga agsapata.
2
idi agmaymaysan iti balay
ni apo a mayor immisem 'di
inna a nalagip nangmurmuray
a balikas da addaan kari.
daras a limmagto daytay ragsak
labes ti sallabawan mugingna
idi manen mangegna kas kutak
a kukuana kano 'diay botoda.
'diak met nagkamali't panagdengngeg,' --
manen naitalamitimna iti
yan suli ti balay nga asideg
nakaidulinan basi 'ti sipi.
panagis-isemna, ay! kas metten
agpabunar ar-araken pangen.
3
idi ni nana a baket daytay
limmabas 'diay piskeria yan adu
a kappi, bunog pay ken ar-aro:
agkamkammel ta nagkikinnidday.
kalabanna ni apo a mayor
iti umay panagpipilida
ti mangidadaulo't ilida,
gapuna innaldaw panagsursor.
saanda a kayat tumakdang ta
saandan a pulos a maikari
'diay botoda kano, ta amangan
man la, atanud, a dawatenna.
anian bimmatokda -- baribari --
ta amangan adda mangyaw-awan.
