PANSIT BATIL PATONG ITI ILOCOS NORTE. Ipakpakita da agkasinsin nga Ethelbert Pagdilao ken Athea Nicole Agtang, agpada a taga-Pinili, Ilocos Norte, ti inorderda nga Ilocos Norte Pansit Batil Patong. Immuna a nayamammo daytoy nalatak a makan iti Tuguegarao City, agingga a napataud dagiti nadumaduma a bersion iti kabangibangna a probinsia ken lugar pakairamanan ti Ilocos Norte. Ti ramenna ket pansit, nagiling a nagisar a karne ti baka, naparabawan iti naprito nga itlog ken maysa a longganisa, dua kaiwa nga Ilokos tsitsaron, nagalipgalip a lasona ken repolio. Adda met naisangrat a digona a mabalin nga ilaok met laeng. Kalpasan ti panangkiwar, maangot ti naraman ken naimas a kalluto nga Ilocos Norte Batil Patong. Masarakan daytoy a pagpansitan iti igid ti kalsada iti nagbedngan a mismo ti Siudad ti Laoag ken Bacarra-- iti batog ti sumrek iti Bypass Road iti Bacarra, Ilocos Norte. Managan daytoy a pagpansitan a Farmview Eatery. (AILEEN R. RAMBAUD)

(Naipablaak iti Abril 16-30, 2022 a bilang.

Kadagiti kayatna ti ag-subscribe iti e-Edition, mapan iti ania man kadagitoy a link: Press Reader wenno iti Magzter.

Para iti naimaldit a kopia, ag-email iti [email protected] wenno kauman ni Boy Balanag iti CP Number 0916 269 2390

Laglagipenyo koma met, kakailian, nga i-like daytoy Facebook Page ti Bannawag ken i-follow daytoy Instagram Account ti Bannawag.

Dios ti agngina.)