Maibatay iti kaudian a resulta ti surbey manipud iti RP-Mission and Development Foundation (RPMD), ni Ferdinand Alexander “Sandro” Marcos, anak ni dati a Senador Bongbong Marcos, ti agdama nga adda iti una ti surbey iti kinakongresista iti umuna a distrito ti Ilocos Norte iti naala daytoy a 62%.

Ni Sandro ken ti amana, ni dati a Senador Bongbong Marcos.

Duapulo ket innem (26%) ti un-unaan ni Sandro Marcos iti maikadua iti puesto a ni Ria Fariñas a nakaala iti 36% voter preference. Dua a porsiento ti nagtalinaed nga undecided.

Ni Ria Christina Fariñas ti agdama a pannakabagi ti umuna a distrito ti probinsia iti Kamara.

Iti surbey ti RPMD a naiwayat iti Abril 3-8, 2022, ni met laeng Sandro ti adda iti una iti naalana a 53% a voter preference.

Naiwayat ti kaudian a a surbey  itay Abril 17-21, 2022 a nawaya ken awanan iti komision a nakipartisiparan ti 1,000 a rehistrado a botante babaen ti random sampling nga addaan iti margin of error a 3% (+/-).