Ni Mark Villar ti UniTeam ticket ti kangrunaan a paggugusto a kandidato a senador dagiti botante iti umay nga eleksion iti Mayo 9, kas maibatay iti kaudian a resulta ti surbey ti RP-Mission and Development Foundation (RPMD) a para kadagiti kandidato a senador.

Ni kandidato a senador Mark Villar.

Naammuan a naangay ti surbey ti RPMD manipud idi Abril 17 agingga idi 21 itoy a tawen a nakipartisiparan ti 10,000 a rehistrado a botante.

Dagiti 11 a sumarsaruno iti daytoy dati a sekretario ti Department of Public Works and Highways: Loren Legarda (67.1 a porsiento), Chiz Escudero (61.5), Raffy Tulfo (60.3), Alan Cayetano (53.8), Win Gatchalian (52.4), Migz Zubiri (51.7), Jejomar Binay (44.8), Robin Padilla (43.6), Gringo Honasan (43.2), Joel Villanueva (37.5), ken JV Estrada Ejercito (34.8).

“Maraming salamat po ulit sa RPMD, isang malaking karangalan po ulit ang manguna sa senatorial survey, mas lalo ko pa pong pagbubutihan ang aking serbisyo publiko,” kinuna ni Villar iti maysa a pakaammona itay Mierkoles, Abril 27.

Ti pannakaituloy ti programa ti administrasion ni Duterte a “Build, Build, Build” ti kangrunaan a plataporma ‘toy dati a diputado ti Las Pinas City.