Nagun-od ti gobierno lokal ti Santa Teresita, Cagayan ti umuna a puesto iti SubayBAYAN Awards ti DILG iti rehional a lebel daytoy (DILG Region 2) para iti umuna a quarter ti 2022.
Ti DILG SubayBAYAN Awards, isu ti pangbigbig kadagiti LGU ken Municipal Local Government Operations Officers (MLGOOs) iti pudno ken napardas a report a mainaig ti implementasion kadagiti proyekto dagiti LGU nangruna kadagiti nalpasen a Locally-Funded Projects (LFPs) iti probinsia, siudad ken ili.
Kas pannakabagi ni MLGOO Ms. Jenalyn A. Carag, pormal nga inawat da OIC MLGOO Arman B. Cortez, MEO Engr. Liezel S. Uduando ken MPDC Engr. Mark Henry Mercado dagiti plake ti pammigbig iti seremonia ti pammadayaw idi Abril 22, 2022 iti Hotel Carmelita, Tuguegarao City.
Iti panagsarita ni Engr. Mercado, dinakamatna a bunga daytoy ti kinasayaat ti agdama a serbisio ti administrasion da Mayor Rodrigo “Rambo” De Gracia, CESE, Bise Mayor Ruben P. Fagela, Sr. ken dagiti kameng ti Sangguniang Bayan. Nagyaman daytoy iti DILG Region 2 ken kadagiti mangimaton iti DILG SubayBAYAN Awards. Impanamnamana ti panagtultuloy ti nadalus a panagserbi ti LGU-Santa Teresita kadagiti umili a Teresiano.
TURISMO: Intayon Idiay Ayuyang Garden iti Pila, Siudad ti Laoag!
Nagun-od met ti LGU-Buguey (Cagayan) ti maikadua a puesto idinto a nagun-od ti LGU-Sabtang (Batanes) ti maikatlo a puesto. (Edison B. Tobias)
