Nagtalinaed iti umuna a puesto ni kandidato ti UniTeam ken dati a Sekretario ti Department of Public Works and Highways (DPWH) Mark A. Villar iti kaudian a surbey kadagiti agpaidasig a senador iti eleksion inton Mayo 9 nga inangay ti RP-Mission and Development Foundation Inc. iti nagun-odna a 74.6 voter preference.
Iti surbey ti RPMD a naangay manipud April 28 agingga iti May 2, ni Villar ti kangrunaan a pili dagiti 10,000 a respondent a sangonsango (face-to-face) a napagsaludsodan iti entero a pagilian. Addaan ti surbey iti (+/-) 1% sampling error margin iti national percentage.
Dagiti sangapulo ket maysa nga adda iti babaen ni dati a hepe ti DPWH Mark Villar: Diputado Loren Legarda ti Antique (68.1%), broadcaster Raffy Tulfo (64.7%), Senador Win Gatchalian (60.2%), Senador Juan Miguel “Migz” Zubiri (53.6%), Gobernador ti Sorsogon Francis “Chiz” Escudero (51.8%), dati a House Speaker Alan Cayetano (47.3%), Aktor Robin Padilla (45.1%), dati a Senador JV Estrada Ejercito (38.6%), dati a Senador Jinggoy Estrada (36.5%), dati a Bise-Presidente Jejomar "Jojo" Binay (34.2%), ken dati a Senador Gringo Honasan (32.7%).
Saan nga adayo iti magic twelve da: dati a Sekretario ti Depensa Gilbert Teodoro (32.5%), Senador Risa Hontiveros (30.4%), Senador Joel Villanueva (28.1%), dati a mayor ti Quezon City Herbert Bautista (25.7%), Senador Dick Gordon (22.6%), Senador Antonio Trillanes (19.3%), dati a Presidential Spokesperson Sec. Harry Roque (19.1%), dati a Philippine National Police (PNP) Chief Guillermo Eleazar (18.5%), Senador Leila De Lima (17.2%), Astravel “Astra” Pimentel-Naik (15.4%), Atty. Chel Diokno (13.6%), Atty. Lorenzo 'Larry' Gadon (12.5%), ken Diputado Rodante Marcoleta (10.1%).
