GONZAGA, CAGAYAN. Nasapa a nagnagna dagitoy a pamilia dagiti Agta manipud iti Purok Capadeco, Brgy. Cabiraoan, Gonzaga, Cagayan tapno ilakoda dagiti naalada nga ubog ti way. Agbalo iti PhP100 ti sangareppet nga ubog, a lima nga ubog ti sangareppet. No dadduma, isukatda iti sangasalup a bagas ken agpanayonda iti duapulo a piso. Adu ti maalada nga ubog iti asideg a bambantay a yanda ket masansan nga isuda laeng ti pakagatangan iti ubog ditoy ili ti Gonzaga. Adu ti mangimas iti ubog ti way a maluto a kas extender ti potahe a dinardaraan, wenno kas dinengdeng. Mabalin pay nga ituno a kas iti tarong sa maisawsaw iti patis a naperresan, wenno mapakbet. (ROSELYN C. CAMPANO)

(Naipablaak iti Mayo 16-31, 2022 a bilang.

Kadagiti kayatna ti ag-subscribe iti e-Edition, mapan iti Press Reader wenno Magzter.

Para iti naimaldit a kopia, kauman ni Boy Balanag iti CP Number 0916 269 2390

Para iti pakaseknan dagiti sinurat, ag-email iti [email protected].

Laglagipenyo koma, kakailian, nga i-follow ti Bannawag iti Instagram ken i-like ti Bannawag iti Facebook. Dios ti agngina.)