Pinabaro da Mr. Arturo “Arthur” Ramos, Sr. ken Mrs. Concepcion “Conching” Aguino Ramos ti karinkarida nga agassawa bayat ti panangrambakda iti maikalimapulo a tawen ti anibersario ti panagkasarda idi Abril 26 itoy a tawen iti Parokia ti San Lorenzo, Diakono ken Martir, Bangui, Ilocos Norte. Retirado a civil registrar ti Bangui ni Arturo ken dati nga OFW idinto a dati met a prinsipal ti DepEd ni Concepcion. Naparaburanda iti innem nga annak. Immatonan ni Fr. John Joffer D. Lucas, RCJ, ti maikadua a panaglantip manen dagiti pusoda. Kaduada iti ladawan dagiti kakabsat ni Conching a nakatabuno iti selebrasion, da (agpakanawan) Edrolfo C. Aguino, Agnes A. Peralta, Presenia A. Trinidad, ken Abraham C. Aguino, Jr. Iti baba, iti sabali nga okasion, maysa a pakalaglagipan a ladawan da agkaingungot nga Arthur ken Conching, kaduada dagiti annakda, da agpakanigid: PMaj. Kristoffer King, Arturo Jr. (maysa nga OFW), Joanne (teacher), Atty. Harold, FO1 Rexelle (dati nga OFW), ken Alexis, Ph.D. in Chemistry (OFW). Dati a napadayawan ti pamilia a Model Family (professional category) ti Ilocos Norte ken Model OFW Family of the Year Award (MOFYA) ti Region I. (Bannawag, Hunio 1-15, 2022 a bilang)
