Walo a mannurat nga Ilokano ti napili a fellows iti ababa a sarita (flash fiction) iti Pasnaan 11, ti maika-11 a bansada ti workshop a para kadagiti mannurat nga Ilokano nga iwaywayat ti GUMIL Filipinas (Gunglo Dagiti Mannurat nga Ilokano iti Filipinas ken iti Ballasiw-Taaw).
Dagiti fellow:
- Maria Lourdes Ladi Opinaldo – Purok 1, Ar-arampang, Balaoan, La Union, ken maysa nga OFW iti Taiwan
- Lito Hilidon – Poblacion East, Asingan, Pangasinan
- Jorge Richard P. Guerrero – Brgy. 5, San Pedro, Laoag City
- Archie C. Anipot – Capangpangan, Vigan City
- Michael Corpuz – Brgy. 17, San Felipe, Sarrat Ilocos Norte
- Arnel M. Asis – Bacarra, Ilocos Norte
- Rodel R. Estacio – Carunoan West, Rosario, La Union, ngem agnaeden iti Cavite
- Marlon A. Rodrigo - Culao, Claveria, Cagayan
Daytoy ti umuna a gundaway iti tinawen a workshop dagiti Ilokano a maymaysa a klase ti sinurat ti mataming --ti laeng Ilokano flash fiction.
Maipakaammo iti mabiit no kaano ken sadino a maangay ti workshop. (Neyo Mario E. Valdez)
