Nagun-od ti sibubukel a Santa Teresita (Cagayan) District ti siento porsiento a rupanrupa a panagklase para iti Hunio 20-24, 2022 (sakbay ti panagserra ti klase), ken para iti masungad a tawen ti panagklase 2022-2023.
Kayatna a sawen, naited dagiti amin a 15 a pasdek-pagadalan ti distrito ti kompleto a kasapulan a para iti Progressive Expansion Face to Face (PE-F2F) a klase.
Idi Hunio 15, napasiar amin dagiti pasdek-pagadalan ti nasao a distrito iti panangiwayat ti LGU Santa Teresita nga idauluan ti ama ti Ili, Atty. Rodrigo P. de Gracia, CESE, tapno kitaenda no maipakpakat met laeng kadagitoy a pagadalan dagiti annuroten iti salun-at a mainaig iti pandemia. Timmulong iti pannakaamiris dagitoy a pagadalan ti DepEd SDO Cagayan nga idauluan ni Dr. Orlando E. Manuel, Superintendent, Chief of the Curriculum Implementation, ken ti Division Validation Team nga ibagian ni Dr. Rogelio H. Pasinos.
Babaen ti naited a pammalubos, maibilangen dagiti pasdek-pagadalan wenno eskuela ti DepEd Santa Teresita iti elementaria ken sekundaria iti Dibision ti Cagayan kadagiti mangisayangkat iti PE-F2F a klase iti Hunio 20-24, 2022 sakbay ti panagserra ti klase, kasta met a mapalubosanda iti rugi ti umay a tawen ti panagklase 2022-2023.
TURISMO: Intayon Idiay Ayuyang Garden iti Pila, Siudad ti Laoag!
Saanna ketdi a kayat a sawen nga agtultuloyen iti sibubukel a tawen ti kastoy a situasion ta addanto latta panagusar iti modiul, agbatay iti situasion gapu iti pandemia.
Teacher III nga adviser iti panangimaton iti online ni Efren M. Abella, Jr., Ph.D., Head Teacher I, iti ikub ti DepEd Santa Teresita iti Cagayan. Maysa ti nasao a pagadalan kadagiti 15 a pasdek-pagadalan a pinalubosan ti DepEd SDO Cagayan a mangisayangkat iti Progressive Expansion-Face to Face (PE-F2F) a klase. (Rinetrato ni Jonathan S. Miciano)
Ibilang ketdi dagiti maseknan a nangibagi ken nangisagana kadagiti kasapulan para iti evaluation ken validation dagiti nasao a pasdek-pagadalan ti ragsakda iti nayetnag a pammalubos. Pammaneknek daytoy iti kinapingetda a nakipaset tapno maisagana dagiti pagadalan ken agad-adal; iti kasta, maikkanda iti umisu a proteksion bayat ti panagadalda.
Manamnama ti agtultuloy nga iseserrek dagiti ubbing iti eskuela kalpasan daytoy a naballigi nga evaluation ken mangnamnamada a maaprobaran dagiti sumarsaruno a kasapulan a para iti rupanrupa a panagklase. (Laylany V. Toribio-Añonuevo)
