BALIK PROBINSIA FOOD PROCESSORS. Indauluan ni MMSU President Dr. Shirley C. Agrupis ti pannakayawat kadagiti uppat a benepisiario ti Development and Deployment of Agri-Fishery Enterprise Models/Modules for the Balik-Probinsiya Program ti nayon a materiales nga aramatenda iti panagproseso iti nadumaduma a makmakan. Napili dagiti beneficiaries babaen ti tulong dagiti LGUs kadagiti nadakamat nga ili kangrunaanna dagiti Municipal Agriculture Offices (MAO). Nairaman iti ladawan dagiti project beneficiaries a da Josephine Luna ti Badoc, Glenda Demandante ti Dingras, ken da Marisa Cravalho ken Rosemarie Licarte ti Vintar. Kinagrupoda da Dr. Shirley C. Agrupis, Presidente ti MMSU; Dr. Marilou P. Lucas, Director ti Extension; Ms. Bella C. Gervacio, Chief ti Training and Continuing Education (TCE), MMSU; Dr. Myrna Simon, Municipal Agriculture Officer ti Vintar; Ms. Clarence Luna, Agricultural Technologist ti Badoc; ken Mr. Winson Dulig, Agricultural Technologist ti Dingras, Ilocos Norte. (MRGano)
VINTAR, ILOCOS NORTE. Agarup 1,000 dagiti nasanay a mannalon ken mangngalap manipud kadagiti nadumaduma a barangay iti daytoy nga ili a kas iti Mabanbanag, Parparoroc, Dipilat, Saricao, ken Margaay. Naisayangkat ti panagsanay iti tulong ti Landbank Countryside Development Foundation, Inc. ti Landbank of the Philippines, Mariano Marcos State University, ken ti LGU ti Vintar. Nayadal kadagiti nagatendar, malaksid iti adu pay a sabsabali, ti panangimaneharda kadagiti magastos ken mapastrekda iti panagtalon. Nairaman iti ladawan da Ms. Sheena Marie Joy Lidora ti College of Agriculture, Food and Sustainable Development (CAFSD) ken Ms. Karen de la Cruz ti College of Business, Economics, and Accountancy (CBEA) a nagserbi nga speakers. Nairaman pay iti ladawan ni Ms. Maricel Serrano ti LGU Vintar ken da Ms. Bella C. Gervacio, Mr. Rolando Rabanal, ken Ms. Romielyn Ibe, agpapada a taga-MMSU-Extension Directorate (MRGano).
URDANETA, PANGASINAN. Dagiti nangabak iti Pasalip Saririt 2022-Panagsurat iti Daniw a Para Ubbing (Teacher’s Category) a nangyalatan ni Leona J. Corpuz iti Umuna a Gunggona. Proyekto daytoy ti GUMIL Deped Urdaneta City nga idauluan ni Dr. Edmundo A. Bisquera ken naangay idi Marso 30, 2022 iti Badipa Elementary School, Bayaoas, Urdaneta City. Akimbaba a linia, agpakanawan (dagiti Finalist): Lucy D. Geronimo, Alma L. Fernandez, Lea O. Pilar, Jocelyn M. Caballero, Lyn L. Concepcion, Alicia C. Baylon, Merly G. Macumpang, Myrna G. Lapeῇa, ken Mary Grace M. Barbosa. Maikadua a linia, agpakanawan: Christopher O. Bacungan, Mildred G. Contaoe (5th place), Eunice M. Tablada (4th place), Arlene M. Tablada (3rd Place), Lenie E. Viray (2nd Place), ken Leona J. Corpuz (1st Place). Kakaduada iti ladawan ti sumagmamano nga opisial ti DepEd ken ti adviser ti GUMIL DepEd Urdaneta City, da (maikatlo a linia, agpakanawan): PSDS Rommel De Dios, Emma R. Campilla (Principal IV), Dr. Edgar F. Olua (CID Chief), Dr. Mario E. Campilla (SGOD Chief), PSDS Dolores Lagmay, PSDS Estelita Viray-Quisias, PSDS Eunice B. Madriaga (Bise Presidente ti GUMIL DepEd Urdaneta City), Estella B. Guerrero (Adviser ti GUMIL DepEd Urdaneta City), ken Dr. Edmundo A. Bisquera, EPS-Filipino ken MTB In-Charge. Dagiti naghurado iti salip: Ariel S. Tabag ti Bannawag ken Estela B. Guerrero. (Teksto/Rinetrato ni Rudelyn M. Javar)
(Naipablaak dagitoy a ladawan iti Bannawag, Hulio 1-15, 2022 a bilang.)
