Ni EDISON B. TOBIAS
Binigbig ti Department of Social Welfare and Development (DSWD) bayat ti liderato ni pasado a Sekretario Rolando D. Bautista itay Hunio 23, 2022 ti lokal a gobierno ti Santa Teresita, Cagayan nga idauluan ni Mayor Rodrigo “Rambo” De Gracia, CESE gapu iti naisangsangayan a suporta daytoy iti nasao a departamento ti gobierno nasional babaen ti panangisayangkat iti Pantawid Pamilyang Pilipino Program ( 4Ps) nga adda iti salinong daytoy.
Pirmado da Sek. Bautista ken agpapaay idi a Sekretario ti DILG Eduardo M. Año, pormal nga inyawat da Gerald Balisi, Financial Analyst ti DSWD Region 2, ken Fredelson P. Cancejo, DSWD Field Officer 2, ti nasao a Sertipiko ti Pammadayaw iti opisina ni Mayor De Gracia iti imatang ti Municipal Action Team (MAT)/Provincial Development Officer 2 Kresta Jonalyn M. Salagan ken Ms. Ginarose Sabalo.
Nagyaman ni Mayor De Gracia iti nasao a pammigbig manipud iti gobierno nasional ken dinakamatna a bunga daytoy ti naannayas a panagdadanggay ti MSWD ken ti Municipal Action Team iti pannakaisayangkat ti programa a 4P’s.
