BACARRA, ILOCOS NORTE. Nalpasen ti panagbuburas iti mais itoy nga ili ken adda metten makina a pagpusida iti mais isu a ti laengen agibilag kadagiti pusi a mais (bukel ti mais) ti pakadukotan dagiti mannalon, kas ken ni Walter De La Cruz ti Brgy. Corocor, Bacarra, Ilocos Norte. Ilakoda dagiti pusi kadagiti agprosproseso iti mais a pagpakan kadagiti manok ken baboy. (AILEEN R. RAMBAUD)

GONZAGA, CAGAYAN. Nupay nadagsen, lumag-an ti awit dagitoy a mangngalap ti Batangan, Gonzaga, Cagayan ta agtitinnulongda a mangbagkat iti tumbler a nagkarga iti ikan. Saludan, ti dakkel a kuribot a naaramid manipud iti nalaga a bayog wenno kawayan, ti awag iti nagkauna nga us-usarenda a pagikkan ken pagitulod kadagiti ikan a kompraen dagiti komprador. Ngem iti agdama, ti aw-awaganda iti tumbler ti masansan nga us-usarendan a pagikkan iti makalapanda. (ROSELYN C. CAMPANO)

(Naipablaak iti Hulio 1-15, 2022 a bilang.

Kadagiti kayatna ti ag-subscribe iti e-Edition, mapan iti Press Reader wenno Magzter.

Para iti naimaldit a kopia, kauman ni Boy Balanag iti CP Number 0916 269 2390

Para iti pakaseknan dagiti sinurat, ag-email iti [email protected].

Laglagipenyo koma, kakailian, nga i-follow ti Bannawag iti Instagram ken i-like ti Bannawag iti Facebook. Dios ti agngina.)