PURITAC, PINILI, ILOCOS NORTE. Ni Alvin Glenn R. Coloma bayat ti panagburburasna iti mapan a 30 a kapuon a kalamansi. Idi nabiit pay a naimula dagitoy, kunana a dina impagarup nga agbalinda a nataytayag pay ngem isuna ken marnuoyanda kadagiti dadakkel ken natubbog a bunga. Itan, kasta unay isemna nga agburas iti naruay a bunga dagitoy. Adu dagiti makasapul iti kalamansi isu nga agkurkurang payen ti ilaklakona. Inaldaw nga agburas. Inaldaw met nga aglako. Isu a kalamansi laeng, dimo kuna ta adda met nayon a pangalaan iti igatang iti agserbi iti inaldaw. (AILEEN R. RAMBAUD)
PATUNUNGAN, SANTA ANA, CAGAYAN. Panagkalap ti kangrunaan a pagbiagan dagiti agnanaed iti Sitio Pananacpan, Brgy. Patunungan, Santa Ana, Cagayan. Maysa kadakuada ni Joey Andres (akinkanigid), 33 anios. Segun kenkuana, manipud nagsardeng a nagbasa, sinursuronan ti agkalap. Panagsigay ti damo a klase ti pagkalapda. Ngem gapu ta umad-adu dagiti blue marlin iti lugarda, pinadasdan ti nagbanniit ket agingga ita, isun ti masansan nga usarenda a wagas ti panagkalap. Makaalada iti agingga iti 20 a kilo iti tunggal isasalogda. (ROSELYN C. CAMPANO)
(Naipablaak iti Hulio 16-31, 2022 a bilang.
Kadagiti kayatna ti ag-subscribe iti e-Edition, mapan iti Press Reader wenno Magzter.
Oktubre 1-15, 2024 a Bilang
Para iti naimaldit a kopia, kauman ni Boy Balanag iti CP Number 0916 269 2390
Para iti pakaseknan dagiti sinurat, ag-email iti [email protected].
Laglagipenyo koma, kakailian, nga i-follow ti Bannawag iti Instagram ken i-like ti Bannawag iti Facebook. Dios ti agngina.)
