Pimmusay ni Engr. Eugene Pizarro Madarang ti Hawaii idi Hulio 8, 2022 iti tawenna nga 57 gapu iti kanser.

Kasinsin ni Elizabeth B. Madarang-Raquel, mannurat ti Bannawag ni Eugene.

Nayanak ni Eugene kada Eriberto Madarang (pimmusayen) ti Brgy. Lumbaan-Bicbica, Pinili, Ilocos Norte ken Filomena Pizarro ti Banna, Ilocos Norte idi Oktubre 15, 1964. Nagturpos iti elementaria ken high school iti MMSU-CTE Laboratory School iti Laoag City, sa nangala iti inhenieria iti  Northwestern University iti Siudad ti Laoag met laeng.

Inulila ni Eugene ti kaingungotna, ni dati a Rowena Tiburcio, Miss GUMIL Hawaii 1984; ken dagiti annakda, da Ashley Jean Madarang, nagturpos iti BA-Human Development/Psychology iti Washington State University, Sgt. Maybelle Gene Madarang-Viernes, United States Air Force (asawana ni Alvin Viernes; anakda ni Ezikiel Zane); Sgt. Jeanna Lokelani Madarang-Carnate, United States Air Force (asawana ni Ronald Mark Carnate); ken Eugene T. Madarang Jr., adda iti Junior High School.

Maidulinto ti bangkay ni Eugene iti Valley of the Temple, Hawaii.