Daniw ni HONOR BLANCO CABIE
1
mannalon kano
'tay pakiasawaam
ta awan utang,
TURISMO: Intayon Idiay Ayuyang Garden iti Pila, Siudad ti Laoag!
ragsakmo mabigatan,
kasta met kasipngetan.
2
igpilam dayta
ananga -- daytat' bilin
no tumapogka
ket ti langit nakuyem,
mangibayakabak sa.
3
awan agatras
kada makitagnawa,
sakasakenda
panangibayakabak
panagsenen a tudo.
4
naimas 'tanud
ti sida a dinengdeng,
papigsaenna
ti bagi ken panunot,
dakkel ti maitulongna.
5
naisarabasab
daytay palag nga ugsa,
makamatisan
agtikrabka a dagus,
agling-etka pay adu.
6
wenno 'tay sabong
'tay kiaw a karabasa,
ta 'diay digona
mangep-ep daras bisin,
pagtalnaennat' rikna.
7
bunga ti pallang,
bunga pay ti singkamas,
'tay sabiddokong,
'tay rangaw karabasa,
ingatomon 'ta sakam.
8
daytay samsamping
no naganus bungana,
ensalada, ay!
la ketdi agling-etka --
raed a mapausan.
9
napakumbaba
ni apo a mannalon,
adut' mulana
mangbiag sangkapagilian,
iggemnat' masakbayan.
