Uppat a Daniw ni HONOR BLANCO CABIE
1
o kiaw, o kiaw agmaymaysa sadiay
ngatuen sinapad mula a saba,
kas man agar-ardang dayta liday
TURISMO: Intayon Idiay Ayuyang Garden iti Pila, Siudad ti Laoag!
kaniak, daytoy riknak maraprapa.
dayta lidaymo a masirpatko
igusgusugosna 'toy karkarmak,
masmasnaayan met ni 'tanudko,
iti pannagpagnana 'diay tambak.
ngem kiaw am-amang a nagasatka
ta mabalinmot' agtayabtayab
dita a parmekem daytoy rikna
ta siak mabatiak nga agtungtunglab.
koma, o kiaw, adda met 'tay payak
tapno daras mapunasko 'toy luak.
2
ay! kas met la idi la rabii
naginnallawatkam panagkanta:
duakam adda't texas,* maysa met ti
adda 'diay minglanilla** a yanna.
'tay samiweng ni ilokano 'tay
nagtitiponan ti timtimekmi
'ti babaen ti video call, wasnay
ragragsakmi adda 'ti rabii.
no kasanot' ragragsakmi nga inkam
imbakbaklay kadayta a rabii
kasta met 'tay lidaykon no sardam
dumteng, daytoy liday di maipakni.
anian a gasatko, manen kunak,
anian pananglemmes kaniak 'toy luak.
*abc, hbc, adada't richardson, texas @ 9.30 pm,
june 11, 2017.
**fbc, adda't minglanilla, cebu (umun-una ti cebu
ngem richardson iti 13 nga oras).
3
marunggay lat' sidsidaenna, di
kuna, ta no agpadakay met la
a naggapu sadiay amianan ti
puli, ugaliyo ta maymaysa.
no agsida ti palag nga ugsa
ni 'tanudmo saanka nga agbaw-ing,
panagraman 'ta dilayo a ta
maymaysa dimo nga ibabain.
no 'diay marunggay ta sabeng daytay
maramanam, agdiwig pay dayta
pangisubuam, anian, ay-ayka pay,
ay! ta naregregmon 'tay karkarma.
masapul 'tay kenka santiguar ta
awanen 'tay karkarmam 'ti dana.
4
adda pannakalpay daytoy riknak
no 'tay innak ida mangmangngegan
isuda a nakset kakellengan
awan lagipen sawang a tambak.
idi nakatikrabdan 'di inda
naramanan sabali a daytay
nagpasaran nauksoten kagay,
riknadan ta metten naital-oda.
addan pannakalimpiarna daydiay
nangted pagan-anay a mugingda,
pati panagsaritada addan
rangranggasna kas man daytay kumpay.
makunkunak nakakaasida,
ay! ta timmallikuddan naggapuan.
