Uppat a Daniw ni HONOR BLANCO CABIE
1
pappapanendan tata tito 'diay
lugar da alan ta plastadon ti
adda a kasasaadna sadiay:
Manipud Kadagiti Agdama a Kameng ti Bannawag: Dios ti Agngina!
saniitna idi pay rabii.
ta kakaasi 'toy anak puli,
ay! santiguar ta kasapulannan:
dayodayo kan ken baribari,
o apo dimo kad a baybay-an.
naregregnan 'diay karkarma, awan
innan patien, pati 'diay kabbalay,
ay! wen, nakakaasit' gasatnan,
lap-it panunot nakalidliday.
awan makitanan sanguananna,
nalabit nga eppesen 'diay mata.
2
sumingsingisingen ti init 'diay
haranana ta allingagenen,
'diay samiwengna ta manglinglingay,
adut' lagip inna nga ukagen.
makitak tumapog am-aminda
iti kelleng a sinilong tambak:
adu a parmata itakapda –
adda lamuyotna daydiay ragsak.
bigaten, 'tanudko, bigaten, 'diay
adu a nagpayak kansionda ta
agkakamakam 'diay pangmurmuray,
bakruyda 'tay baknang ti sirmata.
sumigngsingisingen 'diay init, ay!
lailot' samiweng mangitag-ay.
3
bumangbang-es manen 'tay bagyo* 'diay
kataltalonan ti tengngat' luzon:
adda ipalagipna a liday,
manen matinep amin a bubon.
tawen surok dekada a maysa
idi rimmasuk ni pedring** iti
tengngat' luzon: ektariat' pagay ta
daras a nadaleb 'ti rabii.
innem a milion kilot' pagay 'tay
immudmudumod dagus ni pedring,
mannalon di nasangga 'tay liday,
'tay luanat' nagaruyot 'diay pingping.
rimmagasak, nagungor pay daydiay
riggaay ti daga – ay-ayda pay.
*karding (international a nagan: noru)
**(international a nagan nesat, dinalapusna
ti pilipinas, nangkiltayanna iti 98 a biag
ti tao idi septiembre 2011.
4
panaglidem ti langit ta manen
bumangon 'tay apges barukongko,
nalaad ti tayyek 'toy lubongko
'ti pannakaan-anud 'tay pempen.*
mano nga uyon 'diay napukaw 'ti
rungsotna ni ondoy** – layus dita,
layus idiay, bimmaybay ti daga,
dalluyonna saan a nagati.
panaglidem manen ti langit ta
agkintayeg daytoy barukongko,
kas man maal-alap-ap 'toy riknak,
kas man madusaak awan ingga.
kasla marumrumek 'toy tumengko
'ti bayat ti aruyotna 'toy luak.
*nasurok a 4,000 a soneto ni hbc ti
napukaw, malaksid pay lima a libro
a maidatag koma 'diay national library
para iti copyright registration, idi simmabuag
ni ondoy a layus iti opisinana 'diay araneta
avenue, qc, a nakapempenan dagiti libro ken
sonetona.
**(international name ketsana) dinapigna
ti dandani 873,000 a tao iti metro manila;
pinatayna ti 241 a tao; sinugatna ti 394 a
dadduma; rinangrangkayna ti 65,521 a pasdek
idi septiembre 24-30, 2009.
